Երկրորդ ամուսնու հանկարծակի մահից հետո Էլինորը մտովի նամակ է գրում նրա մեռած առաջին կնոջը` իր մտերիմ ընկերուհի Աննային, որը նախկինում իր առաջին ամուսնու` Հենինգի սիրուհին էր: Երկու զույգի անցյալը և Էլինորի ու երկրորդ ամուսնու որդիների ներկան նկարագրող այս վիպակը վառ գույներով ներկայացնում է դանիական ընտանիքը XXI դարի սկզբին: 70-ամյա կնոջ անունից տղամարդ հեղինակի գրած այս պատմությունը լույս է տեսել 2016 թվին և արդեն հրատարակվում է 11 երկրում` ներառյալ ԱՄՆ-ը, Մեծ Բրիտանիան, Ֆրանսիան, Իտալիան, Իսպանիան, Չինաստանը:

Մի հատված.
«Սերն ունի իր զարգացման փուլերը, առաջինը նման է ռումբի պայթունի, երկրորդը` երկարատև կառուցվող նախագծի, իսկ պատշաճ ժամանակ անց գալիս է կռվի ու խզման փուլը, և կատարվածը այլևս բացատրելու կարիք չունի: Կա այն, ինչ կա: Սեր կորցրածը պետք է փորձի հասկանալ: Մերժվածը պետք է վեհանձն լինի և խոհեմաբար հասկանա, որ սերը լոկ փոխառում են միմյանցից: Սիրեկանները ստանում են սիրելու իրավունքը` ձգողության ուժի կամ ուժի պես մի բանի շնորհիվ, և իրենք պատասխանատու չեն որևէ բանի համար: Որովհետև դա նա էր, որովհետև դա դու էիր: Մենք, ում այլևս չեն սիրում, պետք է ընտրություն կատարենք վրիժառության ու հանդուրժողության միջև»...

Թողնել հաղորդագրություն

Ձեր անունը:

Ձեր Email:

Ձեր ակնարկը:

Կարգ: Վատ Լավ



Մեկնաբանություններ